Konferensiya Hisoboti

Sana: 2026-yil 18-fevral
O'tkazilish joyi: Hyatt Regency Tashkent

Kirish

2026-yil 18-fevral kuni Finasia Capital kompaniyasi o'zining flagman tadbiri — «Global moliyaga yo'l – Kichik biznesdan yirik korporatsiyalargacha» mavzusidagi konferensiyasini Hyatt Regency Tashkent mehmonxonasida o'tkazdi. Tadbirda yuqori martabali hukumat mulozimlari, xalqaro moliya institutlari, global tijorat banklari, rivojlanish bo'yicha hamkorlar, huquqiy maslahatchilar hamda O'zbekistonning yetakchi korporatsiyalari va kichik va o'rta biznes (KOB) vakillari ishtirok etdi. Konferensiyadan ko'zlangan maqsad — O'zbekiston biznes subyektlari uchun ilk bosqichdagi tadbirkorlikdan tortib, xalqaro kapital bozorlariga chiquvchi yirik kompaniyalargacha mavjud bo'lgan moliyalashtirish yechimlarining to'liq spektrini tahlil qilishdan iborat bo'ldi.

Ochilish nutqi

Konferensiyani Finasia Capital bosh direktori Odilbek Isakov rasman ochib berdi. U O'zbekiston uchun diversifikatsiyalangan moliya manbalari va xalqaro moliya integratsiyasining ortib borayotgan ahamiyatiga to'xtaldi hamda Finasia Capital'ning mahalliy korxonalar va global kapital bozorlari o'rtasidagi ko'prik sifatidagi rolini ta'kidladi.

Teyba Goulieva, Societe Generale bankining MDH mintaqasi bo'yicha boshqaruvchi direktori va rahbari, Markaziy Osiyoning xalqaro banklar uchun strategik ahamiyatini hamda mintaqada strukturaviy moliyalashtirish va qarz kapitali bozori bitimlariga bo'lgan qiziqish ortib borayotganini qayd etdi.

Eldor Mannopov, Dentons yuridik firmasining boshqaruvchi hamkori, O'zbekistonda xorijiy investitsiyalar va transchegaraviy moliyaviy bitimlarni qo'llab-quvvatlovchi huquqiy va me'yoriy islohotlar haqida so'zladi.

O'zbekiston istiqbollari: Davlat va xususiy sektor uchun moliyalashtirish ko'rinishi

Moderator: Odilbek Isakov, Finasia Capital bosh direktori

Panelistlar:

• Jasur Karshibaev – Iqtisodiyot va moliya vaziri maslahatchisi
• Bobur Abdinazarov – "UzAssets" boshqaruv raisi
• Abror Mirzo Olimov – Markaziy bank raisi o'rinbosari
• Neil McKain – IFC'ning O'zbekistondagi rahbari
• Andi Aranitasi – YTTB (EBRD)'ning O'zbekistondagi rahbari

Muhokama markazida makroiqtisodiy barqarorlik, xususiylashtirish strategiyasi, ichki kapital bozorlarini rivojlantirish hamda xalqaro moliya institutlarining infratuzilmani, xususiy sektor o'sishini va barqaror rivojlanishni qo'llab-quvvatlashdagi roli bo'ldi.

A yo‘nalish: Yirik korporatsiyalar va banklar

Loyiha moliyalashtirish (Project Finance) bo'yicha seminar

Ma'ruzachilar:

• Cem Orekli – Boshqaruvchi direktor, Energetika guruhi, Societe Generale
• Constantin Zhydko – Direktor, Metallar va sanoat guruhi, Societe Generale
• Evgenia Laurson – Hamkor, Dentons

Mavzular loyiha moliyasini tarkiblashtirish, risklarni taqsimlash mexanizmlari, moliyaviy hujjatlar hamda metallurgiya, tog'-kon va energetika sohalaridagi amaliy misollarni qamrab oldi. Sessiya loyiha moliyasining texnik-iqtisodiy asoslanishidan tortib, moliyaviy yopilishigacha bo'lgan jarayonlarini bosqichma-bosqich ko'rib chiqdi.

Eksport va savdoni moliyalashtirish bo'yicha seminar

Ma'ruzachilar:

• Vincent Montrichard – Rivojlanish va strukturaviy eksport moliyasi rahbari, Societe Generale
• Alexia de Montessus – Rivojlanish va strukturaviy eksport moliyasi direktori, Societe Generale
• Evgenia Laurson – Hamkor, Dentons

Seminarda Eksport-kredit agentliklari (ECA) tomonidan moliyalashtirish tuzilmalari, MIGA kafolatlangan yechimlar, muhim foydali qazilmalar uchun bog'lanmagan (untied) moliyalashtirish va strukturaviy eksport bitimlari tushuntirildi. Keyslar orqali O'zbekiston korporatsiyalari eksportni moliyalashtirish mexanizmlari yordamida qanday qilib raqobatbardosh uzoq muddatli mablag'lardan foydalanishlari mumkinligi ko'rsatildi.

Kredit reytinglari bo'yicha seminar

Ma'ruzachi: Nadir Nuritdinov, Finasia Capital direktori

Ushbu amaliy sessiyada kredit reytingi metodologiyalari, leveraj (qarz yuki), likvidlik va pul oqimi kabi asosiy moliyaviy ko'rsatkichlar hamda mandatdan to nashrga qadar bo'lgan reyting jarayoni yoritildi. Ishtirokchilar o'z kompaniyalarini xalqaro reyting baholashiga tayyorlash bo'yicha tushunchaga ega bo'ldilar.

Panel munozarasi: Qarz kapitali bozori (DCM) yechimlari

Moderator: Syrga Karybekova, DCM bo'yicha direktor o'rinbosari, Societe Generale

Panelistlar:

• Yury Kiselev – Boshqaruvchi direktor, CEEMEA DCM rahbari, Societe Generale
• Tamer Amara – Hamkor, Dentons
• Michal Parkitny – Boshqaruvchi direktor, O&M Capital Partners

Panelda ochiq obligatsiya takliflari va xususiy joylashtirishlar (private placements), majburiyatlarni boshqarish strategiyalari, AQSH dollaridan tashqari moliyalashtirishni diversifikatsiya qilish va xalqaro qarz kapitali bozorlariga chiqishning amaliy jihatlari o'rganildi.

Keyslar sessiyasi (Case Studies)

Moderator: Teyba Goulieva, Societe Generale

Taqdim etilgan keyslar orasida ACWA Power tomonidan loyiha/eksport moliyasi bitimi va SQB (O'zsanoatqurilishbank) tomonidan AT1 turidagi Yevroobligatsiya bitimi joy oldi. Ushbu real misollar bitimlarni tuzish murakkabligi, investorlar bilan ishlash va ijro strategiyalarini namoyish etdi.

B yo‘nalish: Kichik va o'rta biznes (KOB/SMEs)

Ushbu yo'nalish O'zbekiston KOB subyektlarini korporatizatsiya, komplayens, Islom moliyasi instrumentlari va MHHS (IFRS)ni joriy etish orqali xalqaro moliyalashtirish imkoniyatlariga tayyorlashga qaratildi.

Tadbirkorlikni rivojlantirish bo'yicha davlat dasturlari

Ma'ruzachi: Abbosxon Maxamatov, Tadbirkorlikni rivojlantirish kompaniyasi (EDC) bosh direktori

Taqdimot davlat tomonidan qo'llab-quvvatlanadigan moliyalashtirish vositalari, kafolatlar va KOB o'sishi uchun davlat ko'magi mexanizmlarini ko'rsatuvchi amaliy misollarni qamrab oldi.

Islom moliyasi: Global obro' va amaliyotda

Ma'ruzachilar:

• Xusan Xasanov – Islom taraqqiyot banki (IsDB) guruhining O'zbekistondagi vakili
• Mansur Muxitdinov – Korporativ moliya direktori

Mavzular qatoriga IsDBning O'zbekistondagi strategiyasi, xususiy sektorni moliyalashtirish vositalari, savdoni moliyalashtirish yechimlari, qisman kredit kafolatlari va islom mikromoliyasining amaliy keyslari kirdi.

YTTB va IFC xususiy sektorni moliyalashtirish to'g'risida

Ma'ruzachilar:

• Xurshida Uzakova – YTTB (EBRD) O'zbekiston
• Kamoliddin Saliev – IFC O'zbekiston

Sessiyada KOB uchun kredit liniyalari, risklarni taqsimlash imkoniyatlari (risk-sharing facilities), maslahat xizmatlari hamda IFC hamkor moliya institutlari orqali KOB subyektlarini qanday bilvosita qo'llab-quvvatlashi haqida batafsil ma'lumot berildi.

Kichik biznesdan yirik korporatsiyaga: Korporatizatsiya, KYC va onboarding

Ma'ruzachilar:

• Fayzulla Xusanxo'jayev – Hamkor, Dentons
• Otabek Isakov – Ijrochi direktor, Finasia Capital

Ushbu sessiyada ustav kapitalini va qarz mablag'larini jalb qilishda korporatizatsiyaning ahamiyati, komplayens tizimlari, KYC (mijozni tanish) talablari, ichki nazorat va xalqaro bozorlarga chiqish uchun zarur bo'lgan risklarni boshqarish tizimlari muhokama qilindi.

Kichik biznesdan yirik korporatsiyaga: MHHSga xush kelibsiz

Ma'ruzachi: Davron Yoqubov, BDO Uzbekistan boshqaruvchi hamkori

Taqdimotda MHHSni (IFRS) joriy etish strategiyalari, auditga tayyorgarlik, risklarni kamaytirish choralari va xalqaro moliyaviy hisobot standartlariga o'tayotgan kompaniyalar duch keladigan umumiy muammolarga e'tibor qaratildi.

Xulosa

Konferensiya ishtirokchilarga o'zaro fikr almashish va hamkorlik aloqalarini o'rnatish imkonini beruvchi networking kechki ovqati bilan yakunlandi. «Global moliyaga yo'l – Kichik biznesdan yirik korporatsiyalargacha» konferensiyasi Finasia Capital'ning amaliy yechimlar, bilim almashish va xalqaro aloqalar orqali O'zbekistonning global moliya bozorlariga integratsiyalashuvini mustahkamlashga sodiqligini yana bir bor tasdiqladi.