UzNIF — Tashkent Investor Day 2025
O‘zbekiston Respublikasi Milliy Investitsiya Jamg‘armasi (UzNIF), boshqaruvchi Franklin Templeton, Tashkent Investor Day 2025 tadbirini tashkil etdi. Unda 67 ta investitsiya kompaniyasidan 200 dan ortiq ishtirokchi, jumladan 1 trillion AQSh dollaridan ortiq aktivlarni boshqaruvchi global aktivlar boshqaruvchilari qatnashdi.
Uchgungi forumda O‘zbekistonning makroiqtisodiy yutuqlari, xususiylashtirish dasturi va kapital bozorlari imkoniyatlari yoritildi. Unda davlat idoralari rahbarlari, yetakchi xalqaro moliya institutlari hamda yirik davlat korxonalari top-menejerlari ishtirok etdi.
Asosiy ma’ruzachilar qatorida O‘zbekiston Respublikasi Bosh vazir o‘rinbosari — Iqtisodiyot va moliya vaziri Jamshid Kuchkarov hamda O‘zbekiston Markaziy banki raisi Timur Ishmetov ishtirok etdilar. Spikerlar 2030-yilga kelib BBB investitsion reytingiga erishish va 2028-yilgacha 29 ta yirik davlat korxonasini xususiylashtirish maqsadlarini tasdiqladilar. Bu rejalar korporativ boshqaruv, MSFO (IFRS) joriy etish va investorlar uchun shaffoflik bo‘yicha islohotlar bilan qo‘llab-quvvatlanadi.
Jahon banki, YTTB, IFC, Xalqaro Valyuta Jamg‘armasi (XVJ) vakillari hamda Uzmetkombinat, UzHydroenergo, SQB va Xalq Bank kabi yirik korxonalar ishtirok etgan panel muhokamalarida energetika, bank va infrastruktura sohalaridagi transformatsiya yoritildi. Investorlar shuningdek UzNIF portfelidagi Uzbekistan Airways va UzHydroenergo obyektlariga tashrif buyurib, mamlakatning sanoat modernizatsiyasini joyida ko‘rishdi.
Tadbir davomida mamlakat rahbariyati olib borilayotgan makroiqtisodiy va tuzilmaviy islohotlar natijalariga alohida e’tibor qaratdi. Xususan, Fitch agentligi O‘zbekistonning suveren reytingini BB (ijobiy kutilma) darajasiga oshirgani investorlar ishonchining mustahkamlanayotganini ko‘rsatadi.
Finasia Capital SSF konsortsiumi ( STJ Advisors va ScholzVonGleich bilan birga) tarkibida UzNIF IPO jarayonini qo‘llab-quvvatlovchi maslahatchi sifatida Investor Day tadbirida ishtirok etdi. Jamoa global investorlar bilan yakkama-yak va davra suhbati formatidagi uchrashuvlarda UzNIF va uning portfel kompaniyalari uchun IPOga tayyorgarlik, baholash va investorlar bilan ishlash strategiyasi bo‘yicha yondashuvni taqdim etdi.
Finasia Capitalning ishtiroki O‘zbekistonning kapital bozorlari rivojini ilgari surish, hukumatning xususiylashtirish va investitsiya kun tartibini qo‘llab-quvvatlash hamda mahalliy emitentlarni xalqaro institutsional investorlar bilan bog‘lashdagi muhim rolini yana bir bor tasdiqladi.